By Hoërskool Eldoraigne word ‘n uitsonderlike hoë prioriteit aan die akademie gegee en daarom het ons weer ‘n voortreflike jaar beleef op die akademiese terrein. Die bogemiddelde prestasies wat gelewer is op die verskillende akademiese terreine is ‘n besliste aanduider dat ons wat die akademie betref ‘n voorloper is. Ons dank en waardering gaan uit na ons onderwysers, leerlinge en ouers in hierdie verband.

Die matriekuitslae van 2010 was soos altyd uitstekend ! Daar is 604 onderskeidings, 100% slaagsyfer en verskeie kandidate wat individueel uitstekend presteer het.

Ons is verder ook baie trots op die feit dat ons 4e in Gauteng was – dit bewys weereens dat Hoërskool Eldoraigne se akademie beslis tops is !

Aangesien die uitslae van de laaste eksamen in berekening gebring moet word word die akademiese meriete-aande vir die akademiese prestasies van 2009 eers in 2010 gehou. Tog dui die hoë gemiddelde prestasies wat kwartaalliks bekend gemaak word dat ons weer kan spog met van die beste akademiese uitslae in die land.